Baarish Aur Shehar Ki Dosti

Iss saal baarish bhi,

Kisi bichde hue dost ki tarah mil rahi hai shehar ko.

Dheere se aate hue,

Kuch apne baare mein batate hue,

Kuch shehar ke baare mein puchte hue.

Sawaal toh bahut hai baarish ke paas,

Par kya uska haq ab bhi wahi hai?

Jawaab dene toh hai shehar ko,

Par sawaal puche toh pehle usse woh.

Ek baar mein saari baatein hogi nahi,

Itne din jo door rahe hai,

Chodna toh ek dusre ko hai nahi,

Par haq kya ab pehle jaise rahe hai?

Par, baarish ne bhi thaan li hai,

Aate jaate rehne ki,

Pasand ho shehar ko ya na,

Dosti phir se banegi.

Par shehar ko bhi pata hai,

Baarish zyaada nahi thehregi,

Dosti toh usse bhi nibhaani poori hai,

Par baarish sheher ko fir se chodegi.

aap baarish ho ya shehar?