top of page
Search

Mai Wahi Hu

Mai wahi hu, Jo tu hai, Ek ghar teri yaado ka, Ek dil tere jazbaato ka. Mai wahi hu, Jo tu hai, Ek dewaar jo tune banayi hui hai, Ek dewaar jo maine halki si girayi hui hai, Teri bhi toh dewaar aksar gir jaati hai, Meri har dewaar fir tujhe sehlaati hai. Mai wahi hu, Jo tu hai, Ek kamra jo tune banaya hua hai, Ek jagah jaha tune apna dil lagaya hua hai, Tere kadam jaha tujhe andhero mein le jaate hai, Mere har kone se tujhe waakif karwa jaate hai. Mai wahi hu, Jo tu hai, Ek subah ka sitaara, Ek shaam ka ishaara, Tere sawaalo ko jo sunkar jawab de jaate hai, Mere aangan mein fir har raaz jo bata jaate hai. Mai wahi hu, Jo tu hai, Ek ghar tere alfaazo ka, Ek dil tere jazbaato ka.


#GurDaGhar

Comments


words for the day

bottom of page