Search
2 Cup Chai
- Gurdit
- Dec 30, 2020
- 1 min read
Chaar degree tapmaan tha,
Sang apne chaand aur asmaan tha,
Do cup chai thi toh meri,
Par mera yeh tumpar ehsaan tha.
Ek cup toh maine tumhe de diya,
Lautaane ka vaada tumne de toh diya,
Par pata yeh toh tujhe bhi tha,
Maine chai aur tune mujhe tera dil diya.
Fir do cup chai, fir ek hi sahi,
Teri ek, meri ek hi sahi,
Afsana yeh, ek hi sahi,
Lautna fir saath lekar chai, ek hi sahi.
Comments