Chaand Se Baat

Aaj thoda theharti hu,

Aaj thoda sa rukti hu,

Aaj chaand ko dekhkar ke,

Ek paath usse seekhti hu.

Dena toh galat nahi hai,

Pyaar mein dil ka,

Par dena kitna kab hai,

Hisab karna hai dil ka.

Thoda thoda dekar ke,

Thoda thoda lena hai,

Sirf dena theek nahi,

Thoda sa tumse bhi lena hai.

Thoda thoda theharti hu,

Thoda thoda sa rukti hu,

Aaj chaand se mai bhi toh,

Ishq tum jitna hi karti hu.

Fir dekhu mai bhi toh,

Tumne mujhe bulaya ya nahi,

Thoda sa maine pukaara hai,

Thoda sa tumne haath badhaya ke nahi.

Aaj thoda theharti hu,

Aaj thoda rukti hu,

Aaj chaand ko dekhkar ke,

Yahi baat usse kehti hu.