Pehli Baarish

Jaane kyun tumhari yaad dilaati hai Ye pehli baarish..

Kyunki tum shayad uss shaam ki tarah ho, Jo garmi bhari dophar mein, Chalti loo ko thanda kar de..

Kyunki tum shayad uss sagar ki tarah ho, Jo baadlo se ghire asmaan mein, Aur hawa ke gungunaate geeto ke beech, Kuch aise sur ched deta hai, Jisse sunke dil bhar aata hai..

Kyunki tum shayad uss awaara panchi ki tarah ho, Jo hawa ke rukh se na mudte hue, Aur bijli kadakne par, Ghar ki talaash na karte hue, Ussi ki ore udde chala jaata hai..

Kyunki tum hi shayad woh pehli baarish ho, Jo patto ko sarhaati hai, Dharti ko ek nayi khushboo de jaati hai, Aur bin zubaan kuch kahe, Jaane kitni kahaniyaan chod jaati hai..

Shayad isiliye yeh pehli baarish, Tumhari yaad dilaati hai..

story of the first rain.

#writing #pehlibaarish #writer #rainyseasonpoemhindi #westerlies #monsoonrains #Mumbairains #shayari #monsoon #shayar #India #Hindipoem #firstrain #poetry #dailylifeexperiences #premonsoonrains #poem #pehlibarsaat #Hindi #Valahd #FlyIsay #barish