Khilkhilaane Ki Awaaz

Door se kahin,

Aa rahi hai,

Khilkhilaane ki awaaz uski,

Dhoondhte dhoondhte mai,

Bhatak sa gaya hu ab,

Par aisi awaaz hai ki majboor hu,

Dhoondhna toh aaj usse hai ab.

Fir kisi anjaan se mod ke baad,

Ruk jaate hai sab raaste,

Dekhti hai toh bas woh,

Pahaad ke kinaare par,

Kisi ped ki tehni se,

Jhoola jhoolte hue.

Usse darr nahi lagta?

Woh hass kaise rahi hai?

Mai agar aage gaya,

Aur woh gir gayi toh?

Issi bahaane se,

Bas door se dekhta reh gaya hu ab.