top of page
Search

Sapno Ka Tootna

Aankhon mein aag hai,

Par neend ka dhuaā bhi toh hai,

Aakhein khol du toh,

Sapno ka tootna bhi toh hai.


Kitni karwatein badli hai raat bhar maine,

Dhuaā neend ka halka hi toh hai,

Sirhaane gire aansu hai jo,

Sapno ka tootna hi toh hai.


Sooraj ki kirnein ab aati kahan hai,

Raat bhar jaisa andhera hi toh hai,

Khamoshiyon mein dabe paon,

Sapno ka tootna hi toh hai.



Comments


words for the day

bottom of page