Tumhare Saath Chalna Hai

Kabhi tumhare saath firse chalna hai,

Kadam se kadam milaye,

Kabhi haath pakde,

Kabhi chai peete hue,

Kabhi baarish mein bheegte hue,

Kabhi chaand ko taakte hue,

Kabhi taaro ki chaav mein,

Kabhi baadlo ki baaho mein,

Kabhi shehar ke raat ke sanatto mein,

Kabhi pahaado ki hawa ki saugaato mein,

Kabhi ruthe hue,

Kabhi manate hue,

Kabhi jaate hue,

Kabhi aate hue,

Kabhi bin kuch kahe,

Kabhi sab kuch kahe,

Kabhi tumhare saath firse chalna hai,

Unhi galliyon mein jaha ghar hai,

Mera bhi,

Tumhara bhi,

Bas chalna hai,

Wahin tak.